Puisi KAMPOKNGKU NANG GAGAS karya Hendrasius Bahari, S.Pd. Puisi berbahasa Badameo subsuku Dayak Salako Garantuk Sakawokng

 

KAMPOKNGKU NANG GAGAS

Angitn tarokng ba-awo sagar,

Matoari nohatník muhoe ka etok bukitn,

Ngangatniök urokng ka bantang,

Bantang Sakawokng tanoh parene'an.

Dai naun garík bukitn Satime,

Tingi, Baoncokng batu,

Nyu-nyukngók matoari op,

Tampatne Jubato ba Awo Pamo badiamaník,

Kadék taino babuis, pageo i-sarú'ïk.

I-naun garík bukitn Rubotn,

Tampatn Nék Jubato diopm bajagó,

Ngingatník dirík, kadék basaloh ame basangko.

I-naun garík baerengan bukitn Padagi Pakunam, Bukitn Tuótn, ngan Bukitn Saboh,

Tampatn Nék Jubato bageleh-geleh,

Tampatne saparayungan mamain, idupm sabayo-bayo.

I-naun garík bukitn Basari,

Tampatne Daukng Rajo bacintó,

Gagas itanang,

Ocor atié,

Ocor maragoé,

Baparibaso.

Angkolah uróknge daí baharék,

Angkolah urokngé dudi baharék,

Gagas, babarakatn atokng daí Nék Jubato Pajaji.

Puisi "IMO MIADÍK" berbahasa Badameo subsuku Dayak Salako Garantukng Sakawokng karya Hendra Bahari Singkawang

 

IMO MIADÍK

Sapucukng kahe kisohe,

I-nyontengan baharék,

Mók ngingatiök,

Paranaknge,

Parucu'é,

Pariyutné,

Sampe kamié-mié.

Taconteng damoe baharék,

Nék Langkang ngan Nék Nyime,

Bamiadík, antoh kamudók sape.

Balawòklah Nék Nyime nyian,

Angaki ngan ambini,

Badamo Nék Satar nang lantekng bú matoé,

Bakelokng-kelokng guramange,

Itopm ngan ocor búuknge.

Nék Satar Mabuntinganík anaknge,

Bakaturunanlah nyo ó,

Maranakatník:

Nék Ratu nang dahayo Pangirotn,

Nék Sati baparahu ayók,

Nék Opon bakonde amas,

Nék Mongko dahayo bungo malati,

Nék Nere ba tangkitn amas.

Imo miadík nang i-ngarapotn,

Ngalanjutotn katurunane kó.