Puisi BINTOKNG karya Hendra Bahari berbahasa Badameo subsuku Dayak Dayak Salako Garantukng Sakawokng

 

BINTOKNG

 

Aku ta tanang bintokng ka angitn,

Bakadipm-kadipm baguyúk,

Nyucukgiök mato nang nanang nyó ó.

Io bagelehotn,

Ngulilingík taino nang ayók nyian,

Batangkapók sigale jukutn,

Nang se ngiro i-nók gagas i-matoé.

Ku tanang agík,

Kubobók agík ka pasúk atapm

Ku nyangkók nyó o ngampusiök aku.

Iyo bagense-gense,

Antohnyo raboh,

Ato gék tatiharukng tasipakng ka poho ayuknge,

Ku raso nyó o ngango bagelehík sampokng taino,

Sampokng nang i-sampeatnók ka JUBATO.

Kubebe'otn matoku agík,

Nanangók nyó o bintokng Karantiko,

Bintokng nang i-nyaritóotn kiotn nenékku baharék,

Tampatn bapintók rajaki padí baras.

Bintokng nang kahe seték,

Bintokng nang kuraso mansengatn,

Dahayo mabóök aku ka samaknge,

Barenyoh, ngiburatnók atié,

Nang bero ka kamudók é.

 

Takajutn aku ka bintokng kowo,

Sempók, tararakng dahayo dohotn,

Ayuknge ningóotn,

Antoh ampus kamaé nyó ó,

Duhani umpatn kakatiduratne.